Idara ya Kilimo,Ushirika na Umwagiliaji katika Halmashauri ya Mji Njombe ina jumla ya Watumishi ishirini na mbili (22) na Wanne (04) Wakiwa kutoka idara ya Ushirika. Halmashauri ya Mji Njombe inategemea kilimo, ufugaji na Misitu kwa asilimia 78, wafanyabishara asilimia 11, watumishi wa umma na sekta binafsi asilimia 6 na shughuli nyingine asilimia 5. Sekta ya binafsi inachangiwa na makampuni na mashirika ya fedha ikiwemo mabenki ya National Microfinance Bank (NMB), National Bank of Commerce (NBC), CRDB, NJOCOBA na Saccos hai 13 zinazoendelea kutoa huduma za kifedha.
Mazao yanayolimwa katika Halmashauri ya Mji Njombe ni pamoja na;
Mazao ya chakula ni Mahindi, ngano, maharage, ulezi, viazi mviringo na njegele.
Mazao ya biashara ni Chai, Kahawa, Maua na alizeti.
Mazao ya matunda na mboga mboga ni Apples, Peaches, Plums, pears, Avocado (Parachichi), ndizi, cabbage, nyanya, vitunguu, mchicha na figili
MAJUKUMU YA IDARA KILIMO UMWAGILIAJI NA USHIRIKA
KILIMO
Kuratibu, kufuatilia, Kusimamia na kutathmini utekelezaji wa kazi zote za kilimo katika Halmashauri
Kusimamia shughuli za huduma za ugani zinazotolewa na sekta za umma na sekta binafsi ndani ya halmashauri na kuandaa mikataba ya kutoa huduma za ugani kwa kushirikiana na Mwanasheria wa halmashauri
Kuratibu na kusimamia maandalizi ya makisio ya mahitaji ya pembejeo na zana za kilimo na upatikanaji na usambazaji wake
Kutoa taarifa ya mlipuko ya magonjwa na wadudu waharibifu ngazi ya Mkoa,
Kuhamasisha na kuimarisha mitandao ya wakulima
Kuwawezesha wakulima kutambua fursa na vikwazo vilivyopo katika matumizi ya teknolojia zilizopo na uzalishaji wa mazao ya kilimo ili kupeleka teknolojia sahihi kwa wakulima kulingana na mahitaji yao.
Kusimamia shughuli zote za umwagiliaji
Kuthibiti visumbufu vya mimea na mazao
b) USHIRIKA
Kuratibu na Kusimamia shughuli zote za sekta ya maendeleo ya Ushirika katika Halmashauri
Kuhakikisha vyama vya ushirika vinaandikishwa na kutangaza kuvifuta pale itakapotakiwa kufanya hivyo
Kuchambua makisio ya mapato na matumizi ya vyama na kutoa mapendekezo kwa mrajisi wa vyama vya ushirika
Kufanya mapitio ya sera na sheria ya ushirika na kushauri ipasavyo
Kushirikiana na watafiti katika kuendesha na kutoa matokea ya vishamba vya majaribio (vya vishamba darasa- FFS) mbegu na mbolea na madawa katika Halmashauri.
Kutoa mafunzo kwa wakulima juu ya matumizi bora ya mbolea na mbegu na madawa
Kuwatembelea wauzaji pembejeo za kilimo (Agro-Dealers) ili kupata bei za pembejeo zilizoko sokoni na kuwapa taarifa hizo wakulima
Kushirikiana na wadau mbalimbali wa kilimo ili kuweza kufanya tafiti za kuwezesha kukusanya taarifa mbalimbali za kilimo kwa lengo la kupata takwimu zitakazosaidia kupanga mipango ya kuendeleza sekta ya kilimo, utafutaji wa masoko, usindikaji na mapato yatakayotokana na kilimo.
Kutumia takwimu kutabiri upatikanaji wa mavuno ya mazao mbalimbali katika mwaka husika na mwenendo wa uzalishaji kwa miaka inayofuata.
Fursa za uwekezaji zilizopo katika Sekta ya Kilimo
Jumla ya eneo lote la Halmashauri ni hekta 321,200.Eneo linalofaa kwa kilimo ni hekta 192,700. Eneo linalofaa kwa kilimo cha umwagiliaji ni hekta 3,193. Mazao yanayoweza kupatikana katika maeneo haya ni mahindi, maharage, nyanya, mboga, chai, vitunguu, njegere, na viazi mviringo.
Eneo linalofaa kwa kilimo cha matunda ni kilomita za mraba 481.75 (Parachichi, Peas, Matofaa, Peach, plums, Nanasi,”Topetope-Annona spp”, passion , na machungwa. Eneo linalofaa kwa kilimo cha mazao ya chakula na Biashara ni kilomita za mraba 1,927( mahindi, maharage, ngano,viazi mviringo, chai, alizeti na pareto)
Uwekezaji katika viwanda vidogo na vya kati vya kusindika bidhaa zitokanazo na Kilimo na Ufugaji ambavyo kwa kiasi kikubwa vinaweza kupunguza tatizo la ajira kwa vijana.
Uwekezaji katika mazao mbadala: Uwekezaji katika kilimo cha maua ni moja ya sekta muhimu kwa maendeleo ya taifa kutokana na kuchangia katika pato la taifa ikiwa ni pamoja na kutoa ajira kwa watu wengi.
Uwepo wa hali ya hewa inayofaa kwa ufugaji wa ng’ombe wa maziwa na nyama
Maeneo ya kunenepeshea mifugo (Feedlot)
Uwepo wa malighafi za kutosha kuwezesha uboreshaji wa ufugaji wa kuku wa asili na nguruwe bora.
