ILI KUPATA HATI YA KUMILIKI ARDHI ZINGATIA YAFUATAYO;
Kwanza eneo husika liwe limepimwa na kupangiwa matumizi bora ya ardhi na ramani ya upimaji iwe imeidhinishwa na Mkurugenzi wa ramani na upimaji
Mmiliki lazima aombe maombi ya kumilikishwa ardhi na ajaze fomu ya maombi na kulipia gharama za maombi kiasi cha Tshs 20,000/= fedha ambazo huwa hazirejeshwi
Baada ya kukidhi vigezo vya kumilikishwa ndipo taratibu za kuandaa nyaraka zinaanza ambapo atatakiwa kujaza fomu,kuambatanisha picha za passport size sita na kufunguliwa jalada
Mara baada ya kufunguliwa jalada,Afisa Mipangomiji ataidhinisha matumizi halisi ya eneo husika.Lengo la kuomba matumizi ni kuweza kubainisha aina ya kodi itakayolipwa. Mfano kama matumizi ni kwa ajili ya;
Makazi (Residential)
Makazi na Biashara (Commercial and Residential)
Biashara (Commercial)
Kuabudia (Religion)
Industry (Viwanda)
6. Mara baada ya kupata matumizi husika Mthamini atatoa makadirio ya malipo ya maandalizi ya hati kulingana na matumizi yaliyopangwa.
7. Barua ya Toleo (Letter of Offer) hujazwa na mteja huandaliwa bili ya malipo.
8. Barua ya Offer hupelekwa kwa Afisa Ardhi mteule na kusainiwa na ndipo taratibu za kuandaa hati huanza mara moja.
9. Mpima Ardhi (Land Surveyor) atachora ramani ndogo (deed plan) ambayo inaonyesha vitu vifuatavyo;
Namba ya kiwanja (Plot Number)
Kitalu (Block)
Eneo (Location)
Namba ya ofisi ya ardhi (Land Office Number)
Vipimo (Measurment)
NB: Namba ya Ofisi ya Ardhi (Land Office Number)
Ni namba inayotolewa na Afisa Ardhi anayoonyesha kuwa hati iliyoandaliwa imeandaliwa Mkoa gani,Wilaya na katika ofisi ipi.
10. Baada ya ramani kukamilika na kusainiwa na Mpima Ardhi,hati huandaliwa na muhusika au mteja hupatiwa kwa ajili ya kusainiwa.
11. Hati huchukuliwa na kupelekwa kwa Kamishna wa Ardhi kwa hatua ya usajili
Nyaraka zitakazopelekwa kwa Kamishna wa Ardhi ni;
Barua ya maombi
Cheti cha kuzaliwa
Barua ya toleo (Letter of offer)
Rasimu ya hati
Barua ya historia. (Covering letter
Hati itakua imekamilika mara baada ya kukamilika kwa hatua zote kikamilifu.
