ILI KUFANIKISHA UHAMISHO WA MWANAFUNZI TARATIBU ZIFUATAZIO ZINATAKIWA ZIFUATWE;
Mzazi/Mlezi anapaswa kuandika barua kwa Afisa Elimu wa Halmashauri husika kuomba uhamisho wa mwanafunzi ambapo barua hiyo inatakiwa kupitia kwa Afisa Elimu Kata na Mwalimu Mkuu.
Mzazi/Mlezi atatakiwa kuambatanisha fomu ya uhamisho yenye picha ya mwanafunzi husika kutoka katika shule anayohama.
Mzazi/Mlezi atatakiwa kuhakikisha kuwa fomu hiyo ya uhamisho inajazwa na Mwalimu Mkuu wa shule anayohama mwanafunzi.
Mzazi/Mlezi atatakiwa kupitisha fomu za uhamisho wa mwanafunzi kwa Afisa Elimu Kata
Mara baada ya kukamilika kwa taratibu hizo Mzazi/Mlezi atatakiwa kupeleka nyaraka na taarifa za mwanafunzi katika Idara ya Elimu inayopatikana katika ofisi za Hlamashauri ya mji njombe zilizopo mtaa wa Lunyanywi Kata ya Mjimwema ili kuhakikisha kuwa kama mwanafunzi anayeombewa uhamisho amesajiliwa
Mara baada ya kukamilika kwa zoezi la kuhakiki usajili wa mwanafunzi,uhamisho wa mwanafunzi kutoka shule moja kwenda shule nyingine utakamilishwa kupitia mfumo wa PREM na uhamisho unakuwa umekamilika.
