DC NJOMBE AIELEKEZA IDARA YA ARDHI KUSHUGHULIKIA MGOGORO WA ARDHI NDANI YA WIKI MBILI

Tarehe iliyowekwa: June 8th, 2022

Mkuu wa Wilaya ya Njombe Mheshimiwa Kissa Gwakisa ameagiza Wataalamu wa Ardhi Halmashauri ya  Mji Njombe kushughulikia mgogoro wenye jumla ya ekari 1026 kati ya Vijiji vya Madobole na Mtila dhidi ya shirika la Masista la Imiliwaha ili mgogoro huo uweze kufikia mwishoni.

Akizungumza wakati wa Ziara yake na kutembelea kwenye eneo Hilo, Mkuu wa Wilaya ya Njombe Mheshimiwa Kissa Gwakisa ameagiza Wataalamu wa Halmashauri ya Mji Njombe Idara ya Ardhi kuhakisha kuwa mgogoro huo ambao umedumu kwa muda mrefu unafikia kikomo ili kuwezesha kufikia  kikomo kwa mgogoro huo.

Awali akizungumza wakati wa Ziara ya Mkuu wa Wilaya, Mwenyekiti wa Kijiji Cha Madobole Theophil Myamba  amesema kuwa eneo hilo  lilikuwa Mali ya Kijiji hicho lakini kwa sasa wanaambiwa matumizi ya eneo hilo ni mpaka kupata kibali kutoka kwa Masista hao jambo linalopelekea sintofahamu kwa Wananchi wa Kijiji hicho.

Kwa upande wake Kaimu Mkuu wa Idara ya Ardhi na Maliasili Halmashauri ya Mji Njombe,Amos Luhamba amekiri kufanyika kwa makosa katika utoaji wa hati hiyo na kusema kuwa watahakikisha mgogoro huo unakwenda kufanyiwa Kazi na kutatuliwa.