NBS YAANZA KUTOA MAFUNZO KWA WAANDISHI WA HABARI NJOMBE NA RUVUMA.

Tarehe iliyowekwa: September 18th, 2023

Mkuu wa Mkoa wa Njombe Mhe.Antony Mtaka amefungua mafunzo ya uwasilishaji ,usambazaji na Uhamasishaji wa matumizi ya matokeo ya sensa ya watu na makazi kwa  waandishi wa Habari wa Mkoa wa  Njombe na Ruvuma .

Akifungua kikao hicho Septemba 18 ,2023  mkuu wa Mkoa wa Njombe Mhe.Mtaka amewataka waandishi wa habari kuhakikisha wanatumia mafunzo hayo vizuri ili jamii iweze kupata habari zenye takwimu  sahihi 

Aidha Mhe Mtaka, amewasihi  waandishi wa habari kujiendeleza nakuwa na utamaduni wa  kujisomea na kujifuza kutoka kwa watu wengine pamoja na  kuongeza ubunifu katika kazi wanazozifanya.

"Mwandishi wa habari  mzuri ni mwandishi anayesoma kazi za wengine, ili uwe mshindani lazima uwe msomaji mzuri, Pata muda wakusoma, lazima mtafute maarifa. Dunia ya leo huna ubunifu, huna maarifa wewe umebaki nyuma sana. Tumieni hii fursa vizuri kujifunza"

Katika hatua nyingine amewakumbusha wanahabari nguvu waliyo nayo kwenye kuleta mabadiliko chanya kwenye jamii endapo wataamua kuitumia kalamu vizuri kwa kuandika taarifa sahihi ambazo zinahusisha utafiti na rejea.

Naye  Spika Mstafu wa Jamhuri  ya Muungamo wa Tanzania na  Kamisa wa Sensa  Anna Makinda amesema lengo la mafunzo hayo nikuwajengea uwezo waandishi wa habari katika kuandika na kuripoti habari zinazohusisha takwimu.

"Waandishi wa habari lazima mzingatie taaluma, sisi watu wa takwimu tunataka waandishi wa habari mseme kile kilichopo kwa sababu unaweza kuwa mwandishi wa habari wa porojo tuu na wananchi wakachanganyikiwa "

Amesisistiza kuwa ni vyema wana habari wakafahamau kuwa ni vizuri wakawa na nguvu haswa kwenye masuala ya takwimu na kile watakachokiandika kiweze kuaminika kwenye jamii  kwa sababu  takwimu ndiyo inayojenga nchi.

Mafunzo hayo kwa wanahabari yanayotolewa na Ofisi ya Takwimu Taifa yanafanyika katika ukumbi wa Halmashauri ya Mji Njombe na yatahitimishwa   Tarehe 19 September 2023.