RASIMU YA BAJETI YA BILIONI 45.6 YAPITISHWA NA BARAZA LA MADIWANI.

Tarehe iliyowekwa: January 28th, 2025

Januari 28, 2025 Baraza la Waheshimiwa Madiwani wa Halmashauri ya Mji Njombe likiongozwa na Mwenyekiti wa Halmashauri Erasto Mpete,limepitisha rasimu ya mpango na bajeti ya Shilingi Bilioni 45.6 kwa mwaka wa fedha 2025/2026, katika kikao maalum kilichofanyika katika ukumbi wa Halmashauri ya Mji Njombe.

Akiwasilisha bajeti hiyo kwa niaba ya Mkurugenzi Mkurugenzi Ofisa Mipango John Malle alieleza kuwa bajeti hiyo imeandaliwa kwa kuzingatia vipaumbele  ambvyo ni ukamilishaji wa miradi viporo,utoaji wa elimu bure msingi na sekondari,kuwezesha mikopo kwa vikundi vya wanawake,vijana na wenye ulemavu,ajira za watumishi wapya na upandishaji wa vyeo, kupeleka sehemu ya mapato ya ndani kwenye ngazi ya vijiji kwa ajili ya uendeshaji pamoja na vingine kwa mujibu wa muongozo wa bajeti.

Wakichangia bajeti hiyo baadhi ya Waheshimiwa madiwani akiwemo Diwani wa kata ya Yakobi Mhe.Michael uhahula ,Diwani wa kata ya Uwemba Mhe.Jactan Mtelewele na Diwani wa Viti maalum Mhe.Angela Mwangeni ,walitoa pongezi kwa timu ya wataalamu wa halmashauri kwa maandalizi mazuri ya bajeti hiyo ambayo inawagusa wananchi kwa asilimia kubwa.

Walisisitiza ushirikiano wa karibu kati ya madiwani na wataalamu ili kufanikisha ukusanyaji wa mapato sambamba na kuendelea kudhibiti mianya ya utoroshaji wa mapato ili kufikia malengo ya ukusanyaji kwa asilimia 100.

MKutano hio baraza pia uliodhinisha bajeti ya Wakala wa Barabara za Vijijini na Mijini (TARURA) shilingi Bilioni 3.2 kwa mwaka wa fedha 2025/2026. Bajeti hiyo inalenga kuboresha mtandao wa barabara za mijini na vijijini, hatua inayotarajiwa kuchochea maendeleo ya kiuchumi na kijamii katika maeneo mbalimbali ya halmashauri ya mji Njombe.