VIKUNDI VIPO KWENYE KATA ZETU,TUSHIRIKIANE NA WATAALAMU MIKOPO IREJESHWE

Tarehe iliyowekwa: June 27th, 2024

Wajumbe wa Baraza la Madiwani Halmashauri ya Mji Njombe wamekubaliana kuongeza nguvu kwenye ufuatiliaji wa madeni ya mikopo inayotolewa kwa vikundi vya wanawake ,vijana na watu wenye ulemavu ili kufuta hoja za madeni ya mfuko wa wanawake ,vijana na watu wenye ulemavu kwa Mkaguzi na Mdhibiti Mkuu wa Hesabu za Serikali (CAG).

Wakizungungumza kwa nyakati tofauti Juni 27,2024 wakati wa kuchangia utekelezaji wa hoja 2.2.2 ya mwaka 2022/2023 inayohusu  mikopo iiyotolewa kwa vikundi vya wanawake na vijana  ambayo bado  haijarejeshwa kwenye Mkutano Maalum wa Baraza la Madiwani  kwa ajili ya kujadili Majibu na Utekelezaji wa Hoja za Mdhibiti na Mkaguzi Mkuu wa Hesabu za Serikali wajumbe hao wameeleza kuwa ,ipo haja kwa Waheshimiwa Madiwani  kushirikiana na wataalamu kufuatilia madeni hayo kwa vikundi kwa kuwa vikundi hivyo  vinafahamika na vipo kwenye kata wanazozihudumia  hivyo ni rahisi kwao kuwahimiza walengwa kufanya marejesho.

Aidha wamekubaliana kuwa taarifa ya marejesho ya mikopo iwe ni sehemu ya taarifa ya utekelezaji wa shughuli za kata inayowasilishwa kila robo ili kuweza kujadili changamoto kurahisisha ufuatiliaji wa mikopo chechefu.

Ofisi ya Mkurugenzi wa Halmashauri ya Mji Njombe kupitia idara ya maendeleo ya jamii inatoa wito kwa vikundi vyote vilivyopitiliza muda wake wa marejesho ya mikopo, kufanya marejesho ili fedha hizo ziweze kutumika kuwasaidia wahitaji wengine kwa maendeleo ya uchumi wa Taifa.