ZIARA YA KAMATI YA ULINZI NA USALAMA WILAYA YA NJOMBE KUKAGUA MIRADI ITAKAYOPITIWA NA MWENGE WA UHURU 2025

Tarehe iliyowekwa: April 4th, 2025

Machi 3, 2025 ,Kamati ya ulinzi na usalama Wilaya ya Njombe pamoja na menejimenti ya Halmashauri ya mji Njombe ,ilifanya ziara ya kukagua miradi itakayopitiwa na Mwenge wa Uhuru 2025.

Akizungumza katika ziara hiyo, mratibu wa Mwenge wa Uhuru wa Halmashauri ya Mji wa Njombe Clemence Manga alieleza kuwa maandalizi  yamefikia asilimia 85, hatua inayoashiria kuwa halmashauri iko tayari kwa mapokezi ya Mwenge wa Uhuru.

Ziara hiyo ilianzia eneo la mapokezi lililopo kata ya Luponde, kijiji cha Madobole, ambako Mwenge wa Uhuru utapokelewa kutoka Wilaya ya Ludewa na  baadaye  kupitia miradi mbalimbali ya maendeleo katika sekta ya afya,elimu,viwanda na uwekezaji ,kilimo ,uhifadhi wa mazingira pamoja na kukagua vikundi vilivyonufaika na fursa ya uwezeshaji wananchi kiuchumi kupitia mikopo ya asilimia 10 inayoyolewa na Halmashauri kwa vikundi vya wanawake vijana na watu wenye ulemavu

Halmashauri ya mji Njombe itapokea mwenge wa uhuru  Tarehe 8 Mei ,2025.Kauli mbiu ya mbio za mwenge wa uhuru mwaka 2025 inasema ;"Jitokeze kushiriki uchaguzi mkuu wa mwaka 2025 kwa amani na utulivu."