Kitengo hiki kina jumla ya Watumishi Watatu (03), Wawili (02) wakiwa ni Wataalamu wa TEHAMA na Mmoja (01) akiwa ni Afisa Habari. Kitengo kinahusika na usimamiaji wa mifumo mbalimbali ya Halmashauri na kutoa ushauri wa kitaalamu juu ya matumizi sahihi ya vifaa vya TEHAMA.
MAJUKUMU YA KITENGO CHA TEHAMA
Kitengo hiki kinasimamia utoaji na upatikanaji wa habari mbalimbali za halmashauri kwenda kwa jamii, uhamasishaji, kusimamia shughuli zinazohusiana na vyombo vya habari na usimamizi wa maudhui ya Tovuti ya Halmashauri.
Kitengo cha Habari, na Mawasiliano kina jukumu la kuhakikisha Ofisi ya Mkurugenzi inadumisha mahusiano chanya na wadau wake wa ndani na nje
Kutangaza shughuli zote za serikali na kuujulisha umma shughuli za maendeleo zinazotekelezwa katika Halmashauri kwa njia mbalimbali zikiwemo magazeti, majarida,vitabu, vipeperushi, radio, TV na Tovuti.
Majukumu mengine ya msingi ya Kitengo yanahusu kusimamia, kuratibu na ushauri wa matumizi ya teknolojia ya kompyuta. Kusimika Mfumo wa Kompyuta wa Kuhifadhi taarifa na Kumbukumbu za Watumishi na Mishahara (Intergrated Human Capital Management System); pamoja na utekelezaji wa Sera ya Serikali Mtandao (e-government policy) katika utumishi wa umma
