CDD WAJENGEWA UWEZO UGAWAJI KINGATIBA YA USUBI

Tarehe iliyowekwa: February 22nd, 2024

Halmashauri ya Mji Njombe imetoa mafunzo ya kuwajengea uwezo wagawa dawa ngazi ya jamii (CDD) ili waweze kwenda kutoa huduma kwa ufanisi .

Mafunzo hayo yametolewa Februari 21,2024 na Mfamasia wa Halmashauri ya Mji Njombe Beni Ngogo akishirikiana na wataalamu mbalimbali wa Halmashauri ambapo aliwaomba wagawa dawa hao kwenda kugawa dawa za magonjwa ambayo hayapewi kipaumbele (usubi, matende na mbusha, trakoma, kichocho na  minyoo ya tumbo) kwa kuzingatia taratibu na miongozo ambayo imewekwa na kwa kufuata taaluma.

Katika mafunzo hayo watoa huduma vituoni waliagizwa kwenda kuwajengea uwezo wagawa dawa ngazi ya jamii (CDD) watakaoshirikiana nao kwenye zoezi hilo kwa kuwaeleza majukumu yao katika zoezi ya ugawaji wa dawa.

Zoezi hilo la kugawa dawa kinga hizo linatarajia kuanza siku ya Jumapili Tarehe 25 Februari 2024 kwa watu wote wenye umri wa kuanzia miaka mitano  nakuendelea isipokuwa wajawazito  na wagonjwa mahututi.