DC KISSA AWATAKA WASHIRIKI NANE NANE KUTOKA WILAYA YA NJOMBE KUENDELEA KUTOA ELIMU KWA JAMII NA KUTANGAZA FURSA ZILIZOPO NJOMBE

Tarehe iliyowekwa: August 2nd, 2022

Mkuu wa Wilaya ya Njombe Mheshimiwa Kissa Gwakisa amewataka washiriki wa maonesho ya nane nane kutoka Wilaya ya Njombe  kuendelea kutoa Elimu kwa jamii kuhusu shughuli wanazozifanya ili jamii kuendelea kunufaika na kujifunza.

Mheshimiwa Kissa ameyasema hayo wakati alipowatembelea Wakulima,wafugaji na wadau mbalimbali Wanaoshiriki katika maonesho hayo kutoka Halmashauri ya Mji Njombe na kuwapongeza kwa kazi ambazo zimewawezesha wao kushiriki katika maonesho hayo.

Aidha Mkuu huyo wa Wilaya amewataka washiriki pia kujifunza kupitia kwa washiriki wengine ili kupata elimu,kubadilishana uzoefu na pia kwa yale ya kuvutia kuweza kuyatumia na kuyachukua kuboresha shughuli zao pindi warudipo  Njombe.

Sambamba na hilo Kissa amewataka kuhakikisha wanatangaza fursa mbalimbali zinazopatikana  katika Wilaya ya Njombe ili kuvutia makundi mbalimbali kuweza kutembelea katika Halmashauri hizo ikiwa ni Halmashauri ya Mji Njombe, Halmashauri ya Mji Makambako na Halmashauri ya Wilaya ya Njombe