Elimu ya lishe kupambana na udumavu kwa watoto inaendelea kutolewa mjini Njombe

Tarehe iliyowekwa: June 22nd, 2023

Wananchi wa Mtaa wa Idundilanga kata ya Njombe mjini  halmashauri ya mji Njombe, wamepatiwa elimu ya lishe bora kwa watoto ili kuepukana na udumavu na utapiamlo ambao umekuwa changamoto Mkoni Njombe.

Akitoa elimu ya lishe katika mkutano wa  afya na lishe mtaa  wa idundilanga Afisa Lishe wa Halmashauri ya mji Njombe Damiana Danda  amesema mapambano dhidi ya udumavu yaanzie pale mama anapopata ujauzito,kwa kuhakikisha anapata lishe bora kipindi chote cha ujauzito na kuzingatia lishe bora kwa watoto walio na umri chini ya miaka mitano(5).

Mganga Mkuu wa Zahanati ya Idundilanga Dr Kenedy Elisha  amewaomba wazazi kuwa karibu na wataalamu wa afya na lishe ili kupata ushauri pale wanapopata changamoto yoyote inayohusu  lishe kwa watoto.

Kwa upande wake Mwenyekiti wa Mtaa wa Idundilanga Filoteus Ngilangwa amewataka wananchi hao kuzingatia elimu waliyoipata ili kutengeneza kizazi ambacho kitakuwa na afya njema

Mpaka sasa Elimu ya lishe imetolewa katika mitaa 4 kati ya 9 iliyopo kata ya Njombe Mjini

#njombebilaUdumavuinawezekana