ELIMU YA LISHE SIYO KWA WANAWAKE PEKE YAO.

Tarehe iliyowekwa: May 28th, 2024

Afisa lishe wa Halmashauri ya Mji Njombe,Fransisca Mosha katika maadhimisho ya Siku ya Afya na Lishe ya Kijiji (SALIKI) iliyofanyika Mei 28,2024 kijiji cha Luponde ,amewaomba wanaume kuzingatia siku hiyo ya lishe ambayo huadhimishwa kila baada ya miezi 3,kwa kushiriki pamoja na wake zao kwa kuwa elimu lishe inayotolewa ni kwa ajili ya wazazi wote(Baba na Mama).

“Niwaombe wamama mliohudhuria leo ,ukifika nyumbani mweleze baba elimu  uliyopatiwa ,na muwaambie kuwa siku ya afya na lishe si ya wanawake peke yao ,wanatakiwa kushiriki ili muweze kusaidiana kwenye suala zima la lishe kwa watoto”.Alisema Fransisca Mosha ,Afisa lishe Njombe Mji.