ELIMU YA UDHIBITI WA MAJANGA YA MOTO KWA WATUMISHI

Tarehe iliyowekwa: August 26th, 2024

Jeshi la Zimamoto na Uokoaji Mkoa wa  Njombe Agosti 26,2024 limefanya mafunzo ya tahadhari kwa watumishi wa Makao Makuu na vituo vya afya katika  Halmashauri ya Mji Njombe. 

Mafunzo hayo yamelenga kuwawezesha watumishi hao kujua mbinu za kujiokoa na kuokoa mali wakati wa dharura haswa katika majanga ya moto. 

Mafunzo hayo pia yalihusisha utoaji wa elimu ya namna ya kutumia vifaa vya kuzimia moto, ikiwemo vizimia moto na mifumo ya tahadhari, ili kuhakikisha usalama wa watu na mali zao. 

Pamoja na mafunzo hayo washiriki wamehimizwa kutumia namba ya  dharura 114  kwa usahihi ili kufanikisha uokoaji wa watu na mali zao katika majanga. 

Hii ni sehemu ya juhudi za Jeshi la Zimamoto kutoa elimu ili kuongeza uelewa na uwezo wa jamii kukabiliana na majanga.