FAMILIA YA NDUGU FABIAN YAKABIDHIWA MAHITAJI MUHIMU.

Tarehe iliyowekwa: September 7th, 2023

Ofisi ya mkurugenzi wa Halmashauri ya Mji Njombe Idara ya Afya na Ustawi wa Jamii kwa kushirikia na wadau kutoka Wizara ya Afya imefanikisha kurejesha tabasamu kwa familia ya ndugu Fabiani Mng'ong'o mkazi wa kijiji cha Yakobi kwa kumpatia mahitaji muhimu.

September 07,2023 Afisa Ustawi wa Jamii Halmashauri ya Mji Njombe Petro Mahanza kwa kushirikiana na uongozi wa Kijiji cha yakobi wamekabidhi magodoro 3 blanketi 3 pamoja mikeka 3 kwa mhitaji Fabiani Mng'ong'o anayeishi katika kijiji hicho.

Akikabidhi vitu hivyo Ndugu Petro amesema waliguswa sana na wahitaji hao ambao walikuwa wanapitia changamoto mbalimbali katika maisha yao na kwakushirikiana na Wadau Kutoka Idara ya Afya Waliweza kuchangia vitu hivyo ambavyo wamevikabidhi kwa mhitaji huyo

Katika makabidhiano hayo mwenyekiti wa kijiji cha Yakobi Bwana Bahati Mfikwa amewashukuru wadau na serikali kwa kujitoa kwa wahitaji  hao mbao walikuwa wanapitia magumu huku akiwaomba kuendelea kusaidia wahitaji wengine ndani ya jamii

Fabiani Mng'ong'o Baba mwenye Nyumba kwa niaba ya Familia hiyo ameishukuru serikali pamoja na wadau hao kwa kuwasaidia vitu hivyo ambavyo vinaenda kuboresha mazingira yao yakuishi  akiahidi kuvitunza .