FEDHA MNAZOPATIWA ZIWASAIDIE KUJIKWAMUA KIUCHUMI

Tarehe iliyowekwa: May 20th, 2024

Walengwa wa mpango wa kunusuru kaya masikini kupitia TASAF Halmashauri Njombe wametakiwa kutumia fedha wanazopata kwenye shughuli ndogondogo ambazo zitawaingizia kipato ili kujikwamua hali mbaya  kiuchumi na kundokana na umaskini .

Wito huo umetolewa Mei 20 ,2024  na Gladness Sanga mwezeshaji wa TASAF kijiji cha Mfereke Kata ya Utalingolo Halmashauri ya Mji Njombe. 

"Niwaombe fedha hizi zitumieni vizuri wekezeni kwenye miradi midogomidogo ya kilimo na ufugaji ili muinue uchumi wenu Alisema Gladness Sanga mwezeshaji wa TASAF Kijiji cha Mfereke. 

Aidha mwezeshaji huyo amewaomba wanufaika hao kutoa taarifa za ukatili wa kijinsia pale ambapo wanafanyiwa wakiwa katika maeneo yao ya makazi ili kuweza kukomesha vitendo vya ukatili kwenye jamii. 

TASAF Halmashauri ya Mji Njombe inaendelea na zoezi la ugawaji fedha kwa walengwa 36, 010 kwenye kata na mitaa yote kwa dirisha la malipo ya Januari na Februari 2024.