HONGERENI KWA KUSIMAMIA VIZURI MIRADI YA MAENDELEO

Tarehe iliyowekwa: December 20th, 2024

Mwenyekiti wa Chama Cha Mapinduzi CCM  Wilaya Njombe Ndug. Justine Nusulupila amempongeza Mkurugenzi wa Halmashauri ya mji Njombe  kwa utekelezaji wa Ilani ya Chama cha Mapinduzi  kwa miaka 4 kutoka mwaka 2021-2024.

Amezungumza hayo Disemba 20,2024 katika Mkutatano wa Uwasilishaji wa Utekelezaji Ilani ya Chama cha Mapinduzi  ambapo aliweza kuipongeza Halmashauri ya mji Njombe kwa  namna ambayo Mkurugenzi  na Madiwani  ambavyo wamekuwa wakitekeleza Shughuli za maendeleo kwa uaminifu mkubwa pamoja na kutatua kero mbalimbali za wananchi ambazo zimekuwa zikijitokeza .

"Kwa Moyo wote  nimpongeze Mkurugenzi wa Halmashauri Mji Njombe ,Mwenyekiti wa Halmashauri na Wataalamu wote kwa mambo ambayo mmekuwa mkiyafanya ya utekelezaji wa  miradi ya mendeleo katika Halmashauri , niombe endeleeni kufanya kazi kwa bidii na  kutatua kero za wananchi kama tulivyo waahidi wananchi"

Alisema  Nusulupila Mwenyekiti wa CCM Wilaya Njombe .

kwa Upande wake Mbunge wa Jimbo la Njombe Mjini Mhe. Deo Mwanyika amesema kwa mwaka 2021-2024 jumla ya shilingi Bilioni 27 kutoka katika Sekta ya Elimu ,Kilimo ,Miundombinu ya barabara  na Mikipo ya Asilimia 10  ya vijana ,wanawake na walemavu vimeweza  kutekelezwa  katika Jimbo la Njombe mjini.

Akiendelea kuzungumza katika Mkutano huo Mbunge Deo Mwanyika ameweza kuchangia zaidi ya shilingi milioni 400 toka mfukoni mwake kutekeleza miradi mbalimbali ya maendeleo ya  wananchi wa jimbo hilo.