ITATOLEWA ELIMU KWA VITENDO HAKIKISHA HUKOSI

Tarehe iliyowekwa: August 1st, 2024

Serikali imechukua hatua za makusudi kuhakikisha pembejeo za kilimo zinapatikana kwa urahisi na kwa bei nafuu. 

Pia Serikali inaendelea kuboresha miundombinu kwenye sekta ya umwagiliaji , ujenzi wa majosho na kutoa ruzuku ya dawa za kuogesha mifugo,uboreshaji wa miundombinu ya barabara kuanzia maeneo ya uzalishaji hadi sokoni pamoja nakuendelea na programu ya BBT  yakuwasaidia vijana  Kujenga Kesho iliyo Bora kupitia kilimo. 

Wakati Serikali ya awamu ya sita inayoongozwa na Mhe.Rais Dkt.Samia Suluhu Hassan ikiendelea kufanya haya yote, Elimu ,ujuzi na Maarifa ni muhimu kwako mdau wa sekta ya Kilimo, mifugo na Uvuvi na hii ndiyo maana ya uwepo wa maonesho haya ya wakulima. 

Hakikisha unazitumia vizuri siku nane  kupata maarifa mapya kutoka kwa  wataalamu na wakulima wazoefu watakaokuwepo kwenye banda la Halmashauri ya Mji Njombe katika viwanja vya John Mwakangale Jijini Mbeya.

Usikubali kulima wala kufuga kwa mazoea.Mali ipo shambani ,Lima na fanya ufugaji kwa tija.