JAMII YATAKIWA KUBADILI TABIA KUDHIBITI MAAMBUKIZI MAPYA VVU.

Tarehe iliyowekwa: October 31st, 2023

Mwenyekiti wa Halmashauri ya Mji Njombe Mheshimiwa Erasto Mpete,ametoa rai kwa jamii kubadili tabia ili kudhibiti maambukizi mapya ya Virusi vya  Ukimwi na kuhakikisha maambukizi mapya ya ugonjwa huo yanatokomezwa  kabisa mjini Njombe.

Mheshimiwa mpete ametoa rai hiyo kwenye ufunguzi wa mkutano wa robo ya kwanza wa baraza la madiwani uliofanyika Oktoba 31,2023 kwenye ukumbi wa Halmashauri ya Mji Njombe

Ameeleza kuwa  hali ya maambukizi ya Virusi vya Ukimwi kwa sasa sio nzuri hivyo amezitaka jamii kuendelea kupiga vita maambukizi mapya.

Aidha amezisisitiza asasi za kiraia zinazohusika na mapambano dhidi ya virusi vya ukimwi  hukakikisha  zinasimamia  kikamilifu ili kuhakikisha  Njombe Ukimwi unapungua.

Kwa mujibu wa takwimu zilizopo kwenye vituo vinavyotoa huduma za matunzo na matibabu(CTC)Halmashauri ya Mji Njombe takribani watu  16,633 kati yao wanawake 10,835 na wanaume 5,798 wanaishi na virusi vya Ukimwi.