KUBWA KULIKO KUWAHI KUTOKEA NJOMBE MJINI

Tarehe iliyowekwa: October 20th, 2025

Wananchi wote wa Mkoa wa Njombe na maeneo jirani, mnakaribishwa kwenye BONANZA KUBWA LA MICHEZO litakalofanyika tarehe 25 Oktoba 2025, kuanzia saa tatu asubuhi katika uwanja wa Sabasaba, Njombe Mjini.

Bonanza hili limeandaliwa na Halmashauri ya Mji wa Njombe likishirikisha timu na taasisi mbalimbali kutoka mkoa wa Njombe na Iringa zikiwemo ; Halmashauri ya wilaya ya Njombe ,Iringa Manispaa, Halmashauri ya Wilaya ya Mufindi,Halmashauri ya Mji Makambako, Halmashauri ya Wilaya ya Ludewa,Kituo cha redio  Kings FM, Njombe Veterans, na Twende Pamoja Veterans

Njoo ushuhudie burudani na ushindani wa hali ya juu kwenye michezo mbalimbali ikiwemo mpira wa miguu, netball, volleyball, kuvuta kamba, kukimbiza kuku, mbio za magunia.Meza ya bahati na sibu itakuwepo.

Mgeni rasmi kwenye Bonanza hilo  atakuwa Mheshimiwa Antony Mtaka, Mkuu wa Mkoa wa Njombe.

Usipange kukosa, ni siku ya michezo, furaha na umoja wa kijamii.

Njoo tujumuike, tufurahie, na tuimarishe afya kupitia michezo.

"Kumbuka! Kura yako, haki yako  Jitokeze kupiga kura".