MAANDALIZI ,HESABU ZA MWISHO YAPONGEZWA

Tarehe iliyowekwa: August 30th, 2024

Wajumbe wa Baraza la Madiwani wamepongeza wataalamu wa Halmashauri ya Mji Njombe  kwa maandalizi mazuri ya taarifa ya  Hesabu za Mwisho wa Mwaka wa fedha 2023/2024. 

Wakizungumza kwenye kikao maalum cha kujadili na kupitisha taarifa hizo, madiwani hao akiwemo Makamu Mwenyekiti wa Halmashauri ya Mji Njombe Mhe.Nestory Mahenge ,Diwani wa kata Njombe Mjini Mhe.Alatanga Nyagawa Diwani wa kata ya Yakobi Mhe.Michael Uhahula na Diwani wa Kata ya Ramadhani Mhe. Nickson Nganyange,walionyesha kuridhishwa na umakini na ufanisi wa wataalamu hao katika kuhakikisha taarifa hizo zinasomwa na kueleweka kwa urahisi. 

Pia walisisitiza umuhimu wa kuendelea na juhudi hizo ili kuhakikisha uwazi na uwajibikaji katika masuala ya fedha za umma.