MENEJIMENTI NJOMBE TC YAKAGUA MIRADI YA MAENDELEO YENYE THAMANI YA SHILINGI BILIONI 2.22

Tarehe iliyowekwa: October 2nd, 2025

Timu ya wataalamu (CMT)  kutoka Halmashauri ya Mji Njombe Septemba 30,2025 imetembelea na kukagua miradi mbalimbali ya maendeleo yenye thamani ya shilingi 2,224,466,686.90.

Ziara hiyo imelenga kuangalia hatua za utekelezaji wa miradi hiyo na kujiridhisha kama fedha zilizotolewa zinatumika kwa usahihi, ufanisi na kwa kuzingatia thamani halisi ya fedha.

Aidha, timu hiyo ilitoa maelekezo kwa wakandarasi na wasimamizi wa miradi kuhakikisha ujenzi unakamilika kwa wakati, viwango vinazingatiwa na thamani ya fedha inaonekana moja kwa moja kupitia kazi zinazofanyika.

Timu hiyo ya wataalamu ilikagua miundombinu ya :-

Ujenzi wa shule mpya ya Elimu ya awali na msingi ya mkondo mmoja Mgola unaogharimu kiasi cha  shilingi 329,500,000.00.

Ujenzi wa madarasa 2 na matundu 6 ya vyoo S/M Nazareti  unaogharimu Tsh 70,100,000.00.

Ukarabati wa Shule ya Msingi Kambarage  kwa gharama ya Tsh 132,830,905.00

Ujenzi wa madarasa 3 na matundu 6 ya vyoo S/M Kibena kwa gharama ya Tsh 88,000,000.00.

Ujenzi wa bweni S/S Anne Makinda kwa gharama ya shilingi 138,115,219.16

Ujenzi wa Zahanati kijiji cha Yakobi  Tsh 131,653,194.29.

Ujenzi wa bweni shule ya sekondari Kifanya linalogharimu Tsh 138,115,219.16.

Ujenzi wa jengo la wagonjwa wa nje (OPD) katika Hospitali ya Kibena  kwa gharama ya Tsh 900,000,000.00.

Ujenzi wa Zahanati katika Mtaa wa Kambarage inayogharimu Tsh 134,152,149.29 pamoja na ukamlishaji wa zahanati ya kijiji cha Itipula kwa gharama ya Tsh 162,000,000.00