MIKATABA MITATU (3) YA UJENZI WA MIUNDOMBINU YA AFYA NA SHULE YASAINIWA NJOMBE TC.

Tarehe iliyowekwa: October 7th, 2024

Oktoba 7, 2024, Halmashauri ya Mji Njombe imesaini mikataba na kampuni ya  Ingenuity Works Limited na Hamerkop International Limited kwa ajili ya ujenzi wa miundombinu ya shule na huduma za afya.

Hafla ya kusaini mikataba hiyo ilihudhuriwa na Mwenyekiti wa Halmashauri ya Mji Njombe, Mhe. Erasto Mpete, ambaye alizitaka kampuni hizo kutekeleza miradi kwa ubora na ufanisi ili kukidhi matarajio ya wananchi.

Mhe. Mpete alisisitiza kuwa Rais wa Jamhuri ya Muungano wa Tanzania, Dkt. Samia Suluhu Hassan, amekuwa akifanya jitihada kubwa kuhakikisha fedha zinapatikana kwa ajili ya miradi hiyo,hivyo  ni muhimu miradi hiyo itekelezwe  kwa viwango vya juu na kwa kufuata miongozo sahihi.

Aliwataka wakandarasi hao kufanya kazi kwa unadhifu na ubora, tofauti na mafundi wengine.

Mikataba iliyosainiwa inajumuisha:

Ujenzi wa Shule Mpya ya Sekondari Wikichi, Kata ya Ramadhani kwa shilingi milioni 580,Ujenzi wa mabweni mawili katika Shule ya Sekondari Matola kwa shilingi milioni 280 na Ujenzi wa jengo la wagonjwa wa nje (OPD) katika Hospitali ya Mji Njombe ( Kibena) kwa shilingi milioni 965.