MKURUGENZI, HALMASHAURI YA MJI NJOMBE AKAGUA MIRADI YA MAENDELEO

Tarehe iliyowekwa: February 11th, 2025

Mkurugenzi wa Halmashauri ya Mji Njombe Bi.Kuruthum Sadick, Tarehe 11 Februari 2025 ametembelea na kukagua miradi ya maendeleo inayotekelezwa katika kata ya Matola, Kifanya, Yakobi, Mjimwema, na Njombe Mjini. Katika ziara hiyo, aliambatana na wakuu wa idara na vitengo mbalimbali.

Miongoni mwa miradi iliyotembelewa ni ujenzi wa zahanati ya Kambarage, mabweni ya shule za sekondari Matola na Kifanya, pamoja na nyumba ya mwalimu katika Shule ya Sekondari Yakobi, ambayo tayari imekamilika.

Akiwa katika ziara hiyo,alihimiza usimamizi wa karibu kwa mafundi ili  kuhakikisha wanakamilisha miradi kwa wakati na kwa ubora unaotakiwa.

Halmashauri ya Mji Njombe inatoa shukrani kwa serikali ya awamu ya sita inayoongozwa na Mhe.Rais Dkt.Samia Suluhu Hassan kwa kuendelea kutoa fedha za kutekeleza miradi inayolenga  kusogeza huduma karibu na wananchi.