Mkurugenzi Halmashauri ya Mji Njombe atoa wito kwa Wananchi kujitokeza kupata huduma Stendi ya Zamani.

Tarehe iliyowekwa: June 27th, 2025

Juni 27, 2025  Mkurugenzi wa Halmashauri ya Mji Njombe Bi. Kuruthum Sadick amewaomba wananchi kujitokeza kwa wingi kupata huduma mbalimbali zinazotolewa katika mabanda maalumu yaliyoandaliwa katika eneo la stendi ya zamani mjini Njombe.

Akizungumza Juni 27,2025 Juni wakati wa ukaguzi wa mabanda hayo, Mkurugenzi  amesema lengo la utoaji wa huduma hizo ni kuwasogezea wananchi huduma muhimu karibu na maeneo yao ya makazi na biashara, na kuhakikisha kila mwananchi anapata haki na huduma stahiki.

"Ni fursa kwa kila mwananchi kufika stendi ya zamani ,Tumeamua kuwafuata wananchi kutoa eliu mbalimbali na Kupokea ushauri ,kusikiliza changamoto zao, kutoa elimu,  kwa ukaribu zaidi," alisema Mkurugenzi Halmashari ya Mji Njombe

Huduma zinazotolewa katika mabanda hayo ni  pamoja na huduma za afya, ardhi, biashara, usafi wa mazingira, mapato, sheria, malalamiko ya wananchi, usuluhishi wa migogoro, masuala ya utumishi pamoja na huduma kwa wateja.