MKUU WA MKOA WA NJOMBE APOKEA UGENI KUTOKA NDC.

Tarehe iliyowekwa: January 15th, 2024

Mkuu Mkoa wa Njombe ,Mheshimiwa Anthony Mtaka Januari 15,2024, amepokea ugeni wa wanafunzi wa kozi ya 12  pamoja na wakufunzi kutoka chuo cha Ulinzi wa Taifa (NDC)  ukiongozwa na Brigedia Jenerali Erick Mhoro,uliofika kufanya ziara ya mafunzo kwa vitendo Mkoani Njombe. 

Lengo la mafunzo hayo ni kujenga uelewa kuhusu Mkoa wa Njombe katika nyanja za kijamii kisiasa na kiuchumi katika maendeleo ya Nchi. 

Katika ziara hiyo washiriki wanatarajia kujifunza katika maeneo ya Utendaji wa Ofisi ya Mkuu wa Mkoa, Wakuu wa Wilaya na Halmashauri, ukuaji wa viwanda, uwekezaji katika mashamba makubwa ya kilimo, mifugo na uvuvi, ukuzaji wa vivutio vya utalii (Maeneo ya kihistoria na kiutamaduni), maendeleo ya misitu na uhifadhi wa mazingira, uendelezaji wa miundombinu, uwekezaji katika madini na nishati pamoja kufahamu mchango wa asasi za kiraia katika maendeleo na changamoto zinazoukabili Mkoa.

Ziara hiyo inaanza leo Januari 15,2024  hadi Januari  20,2024.