MSIMAMIZI WA UCHAGUZI HALMASHAURI YA MJI NJOMBE AFUNGUA MAFUNZO KWA WASIMAMIZI WASAIDIZI WA UCHAGUZI KWA NGAZI YA KATA NA MITAA/VIJIJI.

Tarehe iliyowekwa: September 30th, 2024

Msimamizi wa Uchaguzi Halmashauri ya Mji Njombe Bi.Kuruthum Sadick Tarehe 30 Septemba 2024  amefungua mafunzo kwa wasimamizi wasaidizi wa uchaguzi  walioteuliwa kwa ngazi ya Kata ,Mitaa na Vijiji katika Halmashauri ya Mji Njombe.

Mafunzo hayo yameanza kwa wasimamizi wasaidizi  wa uchaguzi kula kiapo kilichofanyika mbele ya Hakimu Mkazi Isack Mlowe na mashahidi ,ambapo wameapa kuzingatia maadili, uwazi, na haki katika utekelezaji wa majukumu yao kwenye Uchaguzi wa Serikali za Mitaa mwaka 2024.

Akizungumza baada ya kiapo hicho Msimamizi wa Uchaguzi Bi.Kuruthum amewataka wasimamizi hao kutekeleza vyema majukumu waliyopatiwa kwa kuzingatia kanuni zilizowekwa ili kufanikisha upatikanaji wa viongozi bora.

Mafunzo haya yametolewa kwa mujibu wa kalenda ya matukio ya Uchaguzi wa Serikali za mitaa2024  kwa lengo la  kuwajengea uwezo wasimamizi wasaidizi wa Uchaguzi ili kuhakikisha mchakato wa uchaguzi unafanyika kwa utaratibu na kwa kuzingatia sheria na kanuni zilizowekwa. 

"Serikali za Mitaa Sauti za Wananchi, Jitokeze Kushiriki uchaguzi"