MWENGE WA UHURU WAZINDUA VYUMBA VITATU (3) VYA MADARASA NA OFISI SHULE YA MSINGI BOIMANDA

Tarehe iliyowekwa: June 17th, 2024

Kiongozi wa mbio za Mwenge wa Uhuru kitaifa Ndg.Godfrey Mnzava baada ya ukaguzi wa nyaraka na Miundombinu amezindua mradi wa vyumba vitatu (3) vya Madarasa na Ofisi moja (1) katika Shule ya Msingi Boimanda wenye gharama ya shilingi Milioni 79,050 552.00 ikiwa ni fedha kutoka mapato ya ndani ya Halmashauri, wadau na nguvu za wananchi.

Mradi huu umejengwa kwa kutumia utaratibu wa Force Account na Kiasi cha Tsh 79,050,552.00 kilitumika kukamilisha mradi huu ambapo Tsh 54,426,368.00 ni Mapato ya Ndani ya Halmashauri, Tsh 1,275,000.00 ni Mfuko wa Jimbo, Tsh 4,190,000.00 ni Mdau wa Maendeleo, Tsh 818,132.00 Serikali kuu na Tsh 18,341,052.00 ni nguvu za wananchi.

Kukamilika kwa mradi huu kumewezesha wanafunzi (350) na walimu (7) kupata mazingira rafiki ya kufundishia na kujifunzia nakuondoa changamoto ya mrundikano wa wanafunzi darasani.

Mbio za Mwenge wa Uhuru Kitaifa mwaka 2024 zinaongozwa na kauli mbiu isemayo "Tunza mazingira na shiriki Uchaguzi kwa Ujenzi wa Taifa Endelevu ".