NJOMBE TC YATOA HEKTA 40 ZA UWEKEZAJI KWA AJILI YA VIJANA

Tarehe iliyowekwa: April 5th, 2024

Mkurugenzi Halmashauri ya Mji Njombe Ndugu Kuruthumu Sadick amesema Halmashauri ya Mji Njombe inaunga mkono programu ya kuwawezesha vijana kwenye fursa za kilimo inayoratibiwa  na kusimamiwa na ofisi ya Mkuu wa wilaya ya Njombe. 

Akizungumza katika kongamano la fursa za vijana Wilaya ya Njombe  lililo andaliwa na Mkuu Wilaya ya Njombe Mhe.Kissa Gwakisa Kasongwa, Ndugu Kuruthum Sadick amewakaribisha wanaotaka kuwekeza ndani ya Halmashauri ya Mji Njombe na kutoa wito kwa  vijana  kuwa mstari wa mbele kuchangamkia fursa za kiujasiriamali  ambazo zinajitokeza katika maeneo ambayo wanaishii 

Aidha amesema  Halmashauri ya mji Njombe imetenga hekta 40 kwa ajili ya vijana kuwekeza katika shughuli mbalimbali za maendeleo haswa kilimo ili  kuweza kujikwamua kiuchumi .

Kwa upande wake Enembora Lema Afisa Maendeleo ya jamii Halmashauri ya Mji Njombe amewashauri vijana wote hukakikisha wanajiunga na vikundi vya kiujasiriamali kutokana na Halmashauri kutenga mikopo  wezeshi kwa ajili Vijana ,Wanawake na Walemavu.