RASIMU ,HESABU ZA MWISHO 2023/2024 YAPITISHWA.

Tarehe iliyowekwa: August 30th, 2024

Mwenyekiti wa Halmashauri ya Mji Njombe Mhe.Erasto Mpete Agosti 30 ,2024  ameongoza kikao Maalum cha  Baraza la Waheshimiwa Madiwani wa Halmashauri ya Mji Njombe kwa ajili ya kujadili rasimu ya Hesabu za Mwisho wa mwaka wa fedha 2023/2024. 

Katika kikao hicho, wajumbe wa Baraza la Madiwani wamepitia na kujadili kwa kina masuala yote ya kifedha kwa mwaka wa fedha uliomalizika  kwa lengo la kuhakikisha uwazi na uwajibikaji katika matumizi ya fedha za umma. 

Mwenyekiti alisisitiza umuhimu wa ushirikiano kati ya viongozi na watendaji wa Halmashauri ili kuhakikisha kuwa rasimu hiyo inakidhi vigezo vyote vya kisheria na kiutendaji. 

Pia, alitoa wito kwa wajumbe kuhakikisha wanazingatia maoni na mapendekezo yaliyotolewa katika kikao hicho kwa ajili ya maboresho ya mwisho kabla ya kuwasilisha hesabu hizo kwa mamlaka husika.