SHULE ZILIZOFANYA VIZURI MWAKA 2023 ZAPEWA ZAWADI

Tarehe iliyowekwa: March 22nd, 2024

Halmashauri ya Mji Njombe imetoa zawadi ya shilingi laki tano na cheti kwa shule ambazo zimefanya vizuri kwenye mtihani ya taifa kwa mwaka 2023

Akizungumza Machi 22,2024 mara baada ya ugawaji wa zawadi hizo  Mhe.Kissa Gwakisa Kasongwa amewapongeza waalimu wote wa shule ambazo zimefanya vizuri akizitaka shule ambazo hazikufanya vizuri kuendelea kufundisha kwa bidii ili kufikia malengo ambayo yamewekwa.

Shule za msingi zilizopata zawadi ni MT Bakita ,Senga,Mdete  ,Gilgali , St Getrude na shule za sekondari ni Kilocha Seminari ,Romani Boys, Josephine Girls ,Anne Makinda,  Mbeyela , Yakobi ,na Mgola

Akiasilisha taarifa ya hali ufaulu kwa shule za Halmashauri ya Mji Njombe, Huruma Chaula Afisa Elimu Sekondari  alieleza kuwa  kwa mwaka 2023 katika mtihani wa kumaliza elimu ya msingi (PSLE) ufaulu ulikuwa asilimia 92.6%,  kidato cha nne ufaulu ulikuwa asilimia 94% na  kidato cha sita ufaulu ulikuwa asilimia 99.9%. 

Halmashauri ya mji Njombe  kwa mwaka 2024 imeweka mikakati mbalimbali ya kuhakikisha ufaulu unaongezeka hadi kufika 95% kwa watahiniwa wa darasa la saba na kufuta daraja sifuri na F kwa sekondari na ufaulu wa kuanzia Daraja la I-III kuwa na zaidi ya 50%.