SIKU 14 ZA KLINIKI YA ARDHI – KATA YA KIFANYA .

Tarehe iliyowekwa: October 6th, 2025

Mkurugenzi wa Halmashauri ya Mji Njombe Bi.Kuruthum Sadick anawatangazia wananchi wote wa Kata ya Kifanya kuwa kuanzia tarehe 8 hadi 21 Oktoba, kutafanyika Kliniki ya Ardhi katika ofisi ya kijiji cha Kifanya. 

Katika kipindi hicho, wananchi watapatiwa huduma mbalimbali za ardhi pamoja na kupokea, kusikiliza na kutatua kero mbalimbali zinazohusiana na masuala ya ardhi na masuala mengine ya huduma zinazotolewa na Ofisi ya Mkurugenzi Halmashauri ya Mji Njombe. 

Aidha, kutakuwepo na dawati la malalamiko na msaada wa kisheria kwa ajili ya kuwasaidia wananchi katika katika usuluhishi kupata haki zao. 

Wananchi wote mnakaribishwa kushiriki kikamilifu katika zoezi hili muhimu ili kuepukana na migogoro ya ardhi isiyo ya lazima kwa maendeleo endelevu. 

Uonapo tangazo hili, tafadhali mjulishe na mwingine.

#maendeleokwawote