TAMASHA LA UTAMADUNI LAZIDI KUFANA NJOMBE WAZIRI AKAGUA MABANDA

Tarehe iliyowekwa: August 26th, 2023

Waziri wa utamaduni, sanaa na michezo Mhe. Balozi Dkt Pindi Chana katika siku ya pili ya Tamasha la Pili la Utamaduni Kitaifa Agosti 26, 2023 amekagua mabanda ya maonesho ya Utamaduni na Sanaa pamoja na huduma mbalimbali kutoka Taasisi za  Serikali, Fedha na Wadau wengine

Mhe. Waziri Dkt. Pindi Chana katika siku hii ya pili aliongozana na viongozi mbalimbali kutoka Bunge la Jamhuri ya Muungano wa Tanzania wakiongozwa na Mwenyekiti wa Kamati ya Elimu, Utamaduni na Michezo Mhe. Husna Sekiboko, viongozi wa mkoa wa Njombe wakiongozwa na Kaimu Mkuu wa Mkoa huo  Mhe. Kissa Gwakisa Kasongwa, Wakuu wa Idara za  Wizara ya Utamaduni, Sanaa na Michezo.

Vikundi mbalimbali vilivyoshiriki tamasha la pili la utamaduni vipo  kwenye mashindano ambayo yanahitimishwa na mshindi kutajwa Agosti 26,2023.

Miongoni mwa vikundi vilivyofanikiwa kuingia hatua ya sita bora ni vikundi kutoka mkoa wa Ruvuma ,Dodoma ,Zanzibar ,Njombe ,Mwanza na Mtwara.

Kauli mbiu ya tamasha la utamaduni inasema “Utamaduni ni msingi wa madili tuulinde na kuuendeleza”.