TASAF NJOMBE MJI KUWEZESHA KAYA 191 MRADI ,KUKU WA KIENYEJI

Tarehe iliyowekwa: May 12th, 2024

Mfuko wa Maendeleo ya Jamii (TASAF) kupitia mpango wakunusuru kaya masikini Halmashauri ya Mji Njombe, umeanza kutekeleza  mradi wa kuongeza kipato IGA (Income generation activities) kwa  walengwa ambao watapatiwa kuku wa kienyeji 10 kwa kila kaya ili  kujikwamua na umasikini. 

Akizungumza Mei 11,2024 wakati wa ugawaji wa kuku 50 kwa kaya 5 wanufaika wa TASAF wa Vjiji na Mitaa ya Wikichi ,Magoda na Itulike, Mariamu Monjesa Mratibu wa TASAF Halmashauri ya Mji Njombe amesema,

 " Lengo la kugawa kuku kwa wanufaika hawa nikuwasaidia kupata mitaji kutokana na hali duni ya ugumu wa maisha pamoja na  kuwatengenezea kipato cha kudumu kitakachowawezesha kuanzisha miradi mingine ya maendeleo baada ya kuku hawa kuzaliana". 

Aidha Mratibu wa TASAF Halmashauri ya Mji Njombe amewaombwa wanufaika hao kwenda kutekeleza miradi hiyo kama ilivyo pangwa na sio kwenda kutumia tofauti na malengo ya mradi.