TMDA YATOA MAFUNZO KWA WAFAMASIA NA WAMILIKI WA MADUKA YA DAWA NJOMBE.

Tarehe iliyowekwa: March 23rd, 2024

Katibu Tawala Msaidizi Mkoa wa Njombe Bw. Lewis Mnyambwa kwa niaba ya katibu Tawala Mkoa wa Njombe Februari 23,2024 amefungua mafunzo ya siku moja kwa wafamasia, wamiliki na wasimamizi wa Famasi na maduka ya dawa za binadamu pamoja na  dawa za mifugo kutoka Mkoa wa Njombe. 

Kikao hicho kimelenga kuwajengea uwezo na uelewa wa pamoja ili kuboresha mifumo ya ununuzi, uhifadhi na usambazaji wa dawa na vifaa tiba ili kuwa na dawa pamoja na vifaa tiba bora kwa wananchi. 

Mafunzo hayo yanatolewa na wataalamu kutoka  Mamlaka ya Dawa na Vifaa  Tiba kanda ya nyanda za juu kusini wakiongozwa na   Bi. Anitha Mshighati ambaye ni Meneja wa TMDA Kanda ya Nyanda za Juu Kusini.