TUDUMISHE UPENDO NA AMANI, NI TUNU YA TAIFA LETU

Tarehe iliyowekwa: January 17th, 2024

Katibu Tawala Wilaya ya Njombe Ndugu Agatha Mhaiki amewataka wananchi wa kijiji cha Igoma kilichopo kata ya Iwungilo Halmashauri ya Mji Njombe kuachana na Imani za kishirikina na badala yake waendelee kudumisha amani na upendo ambayo ni tunu ya taifa letu.

Ameyasema hayo Januari 17 ,2024 alipokuwa akizungumza na wananchi wa kijiji hicho katika mkutano wa hadhara, uliolenga kuondoa sintofahamu iliyojitokeza kwa baadhi ya wananchi na  kanisa Lighthouse Mission Church  (LMC)

lililopo eneo hilo, kuwa linachangia kuharibu maisha ya baadhii ya wananchi katika eneo hilo. 

Akitatua mgogoro huo Bi. Agatha amesema, Serikali haitafunga  kanisa hilo na kila mtu anahaki ya kuabudu sehemu ambayo yeye anahitaji bila ya kuvunja  sheria za nchi au kwenda kinyume na tamaduni za mitanzania.