TUJIANDAE KWENDA DODOMA NA JOSHONI

Tarehe iliyowekwa: January 4th, 2024

Mwenyekiti wa Halmashauri ya Mji Njombe Mhe.Erasto Mpete ametoa rai kwa wananchi wa kata ya Njombe Mjini kushirikiana na Serikali kwenye maendeleo. 

Akizungumza Januari 04,2024 na wananchi waliofika kwenye mkutano wa hadhara wa Mbunge wa Jimbo la Njombe Mjini Mhe. Deo Mwanyika, kusikiliza na kutoa majibu ya kero za wananchi katika uwanja wa stendi ya zamani, Mhe. Mpete amesema , Halmashauri ipo kwenye mpango wa kufufua Soko la Dodoma kwa kuhakikisha kunakuwa na usafiri wa uhakika kufikia soko hilo. 

Aidha ametoa wito kwa wafanyabiashara wa mali mbichi mitaani kujiandaa na kutoa ushirikiano kuhamia Soko la Joshoni kwakuwa soko hilo linafikika baada yakukamilika kwa barabara kuzunguka soko hilo. 

Aidha amewasihi wananchi wa Njombe Mjini kuendelea kuwaombea viongozi  ambao wanapambana usiku na mchana kuhakikisha maendeleo yanawafikia.