TUJIFUNZE MBINU MPYA ZA UJASIRIAMALI KUPITIA MAONESHO YA KARIBU KUSINI

Tarehe iliyowekwa: November 10th, 2022

Mkurugenzi wa Halmashauri ya Mji Njombe Kuruthum Sadick amewataka Wajasiriamali walioshiriki  kwenye Maonesho ya Utalii karibu kusini kutoka Halmashauri ya Mji Njombe kujifunza na kuongeza maarifa juu ya mbinu mpya, bora na za kisasa kwenye utengenezaji na ufungashaji wa bidhaa mbalimbali ili kuongeza mvuto na upekee wa bidhaa zao.

Kuruthum amesema hayo mara baada ya kutembelea katika mabanda mbalimbali na kujionea shughuli zinazofanywa kwenye maeneo mengine.Aliendelea kusema kuwa  licha ya kuwa maonesho ya Utalii yamelenga kutangaza shughuli za Utalii zilizopo katika Halmashauri ya Mji Njombe ni vyema pia kutumia fursa hiyo kujifunza kwa wengine ili kuja na maarifa mapya.

"Hatuwezi kuwa tunafanya mambo Yale Yale kila siku.Ni vyema kutembelea na kuona wengine wanafanya nini ili kuweza kuleta ushindani kwenye soko.Kila siku  mambo yanabadilika hivyo maonesho haya yalete tija katika kuboresha bidhaa zetu."Alisema

katika hatua nyingine Kuruthum amewataka Wananchi na Wadau mbalimbali   kushiriki na kutembelea katika Banda la Halmashauri ya Mji Njombe ili kujifunza  kujifunza vivutio vya Utalii vilivyopo  kama vile   maporomoko ya mto Ruhuji na Hagafilo,Makaburi ya mashujaa,mioto ya asili,Katika kutangaza vivutio hivyo Halmashauri pia imeambatana na Wajasiriamali Mali waliofanikiwa kupokea Mikopo ya asilimia kumi na kuleta bidhaa ambazo zinaongeza mnyororo wa thamani katika Sekta ya utalii.