TUMEONDOA NYEKUNDU,NI HATUA KUBWA SANA

Tarehe iliyowekwa: August 12th, 2024

Mkuu wa Wilaya ya Njombe Mhe.Kissa Gwakisa Kasongwa Agosti 12 ,2024 katika kikao cha kutathmini utekelezaji wa viashiria vya mkataba wa lishe katika Halmashauri ya Mji Njombe na Halmashauri ya Wilaya ya Njombe, ametoa pongezi kwa matokeo mazuri kutoka kwenye alama nyekundu katika kadi alama za utekelezaji wa shughuli za lishe jambo ambalo linaashiria mafaniko kwenye kampeni ya kuhamasisha lishe bora ili kutokomeza udumavu Mkoani Njombe.

" Nitoe pongezi ,kwenye hizi kadi alama inaonesha kazi inafanyika tilipoanza hivi vikao hizi kadi alama  ilikuwa nyekundu kila mahali  sasa hivi tumepiga hatua kubwa sana ,hongereni wakuregenzi, waganga wakuu maafisa lishe na watendaji tunaenda vizuri."Alisema.MheKissa Gwakisa Kasongwa, Mkuu wa Wilaya ya Njombe.

Kutokana na changamoto ya hali duni ya Lishe inayopelekea udumavu kwa watoto ,Mkoa wa Njombe unaendelea na Kampeni ya kupambana  udumavu  ya Lishe ya Mwanao ,Mafanikio yake ,yenye kaulimbiu isemayo "Kujaza tumbo siyo Lishe jali unachomlisha", iliyozinduliwa Disemba 22,2023 na Mkuu wa Mkoa wa Njombe Mhe .Anthony Mtaka ambapo Halmashauri ya Mji  Njombe imepiga hatua na hali ya udumavu imepungua kutoka asilimia 45 mwaka 2022 hadi asilimia 42.4 mwaka 2024  hii ni kwa mujibu wa matokeo ya utafiti uliofanyika kwa kushirikiana na wadau mbalimbali akiwemo UNICEF na TFNC.