TUTAENDELEA KUSIMAMIA VIZURI FEDHA ZA MIRADI YA SERIKALI

Tarehe iliyowekwa: October 28th, 2023

Mkuu wa Mkoa wa Njombe Mhe. Antony Mtaka amesema mkoa utaendelea kusimamia vyema fedha za serikali zinazotolewa kwa ajili ya utekelezaji wa miradi ya maendeleo mkoani Njombe. 

Amesema hayo Oktoba 28,2023 wakati akitoa salamu za Mkoa kwa Mheshimiwa makamu wa Rais Dkt Philip Isdor Mpango ambaye alikuwa mgeni rasmi kwenye Kilele cha maonesho ya nne ya Shirika la kuhudumia viwanda vidogo SIDO yanafanyika kitaifa Mkoani Njombe. 

"Miradi yote itaendelea kusimamiwa vizuri fedha yote ya serikali  itasimawa vizuri n kuhakikisha thamani ya fedha kwenye mradi unaonekana".

Mkuu wa Mkoa Mtaka ametumia fursa hiyo kuwaonya Wauzaji wa mbolea za ruzuku kuepuka udanganyifu. 

"Tutasimamia vizuri mbolea  ya ruzuku timu ya mkoa imejipanga wachakachuji tutawashughulikia vizuri." Alisema Mhe. Mtaka. 

Kuhusu lishe Mheshimiwa Mtaka amesema kuwa, mkoa tayari umenza kuchukua hatua za makusudi kuhamasisha lishe bora kutokomeza utapiamlo na udumavu, kupitia ofisi ya mkuu wa wilaya ya Njombe na katibu tawala mkoa wa Njombe. 

"Jambo la lishe tumelichukua kwa uzito na tayari DC ameanza na tunaenda  kuzindua kampeni hiyo rasmi."