TUZO KINARA WA LISHE

Tarehe iliyowekwa: March 8th, 2024

Katika maadhimisho ya siku ya wanawake duniani mwaka 2024 mkoani Njombe, wanawake kutoka Chama cha wafanyakazi wa Serikali na Afya Tanzania (TUGHE),wamempatia tuzo ya heshima Mheshimiwa Mkuu wa Mkoa wa Njombe Anthony Mtaka Kwa kutambua mchango wake kwenye kuhamasisha lishe bora ili kutokomeza udumavu mkoani Njombe.

Disemba 22,2023 Mkuu wa Mkoa wa Njombe alizindua kampeni ya Mkoa ya kuongeza kasi ya kupunguza udumavu mkoani Njombe.

Mkoa wa Njombe una mpango mkakati wa miaka 7 wa kupunguza udumavu na kampeni ya lishe ya mwanao Mafanikio yake yenye Kaulimbiu mbiu isemayo "Kujaza tumbo siyo lishe Jali unachomlisha" ni kampeni endelevu inayoendelea kutekelezwa ndani ya Halmashauri zote za Mkoa wa Njombe.

Maadhimisho ya siku ya wanawake duniani mwaka 2024 yanaambatana na kauli mbiu isemayo "Wekeza kwa wanawake kuharakisha maendeleo ya taifa na ustawi wa jamii."