UAPISHO KWA WAANDIKISHAJI WAPIGA KURA WA SERIKALI ZA MITAA NJOMBE MJI WAFANYIKA

Tarehe iliyowekwa: October 7th, 2024

Waandikishaji wa orodha ya wapiga kura wa Serikali za Mitaa 2024  kwenye vituo mbalimbali vilivyopo katika kata za Halmashauri ya Mji Njombe wameapishwa rasmi Tarehe 07 Oktoba 2023 katika ukumbi wa Shule ya Sekondari Njombe.

Kiapo kwa waandikishaji hao kimeongozwa na Hakimu mkazi Isack Mlowe na kushuhudiwa na mashahidi mbalimbali wakiwemo wasimamizi wasaidizi ngazi ya kata na mitaa mbele ya Msimamizi wa Uchaguzi Halmashauri ya Mji Njombe.

Waandikishaji wameapishwa ili kuhakikisha wana tekeleza majukumu yao kwa kuzingatia Katiba, Sheria  na kanuni za  Uchaguzi wa Serikali za Mitaa.

Zoezi la kuandikisha wapiga kura litaanza Tarehe 11- 20 Oktoba 2024 na vituo vitafunguliwa kuanzia saa 2 Asubuhi nakufungwa saa 12 Jioni.

"Serikali za Mitaa Sauti ya Wananchi Jitokeze Kushiriki Uchaguzi ".