UFAULU UNAZIDI KUPANDA ,PONGEZI ZATOLEWA KWA WAALIMU.

Tarehe iliyowekwa: February 14th, 2025

Mkuu wa Mkoa wa Njombe  Mhe. Anthony Mtaka awapongeza walimu wote  wa Shule za msingi kwa kufanya vizuri kwenye matokeo ya darasa la saba  mwaka 2024 Mkoa njombe umekuwa wa tatu kitaifa.

Pongezi hizo amezitoa Februari 12 2025 wakati Akizungunza na walimu wa Shule za Msingi , Sekondari, Maafisa Elimu na Wadhibiti ubora wote wa mkoa wa Njombe katika hafla ya utoaji wa vitabu vya ziada kwa shule za msingi na sekondari, ambapo Mhe Mtaka  aliwapongeza  kwa kufanya vizuri katika matokeo ya Darasa la saba kwa  mwaka 2024  ambapo mkoa Njombe umeshika nafasi ya tatu kitaifa .

"Niwapongeze walimu wote, mafisa elimu na  wadhibiti ubora wote kwa kuwa na  mshikamano mpaka tunakuwa vinara kitaifa katika kufanya vizuri kwenye  matokeo yote ya Shule za Msingi " Alisema Mhe Anthony Mtaka mkuuu wa Mkoa Njombe

Aidha Mhe. Mtaka amewaagiza wakurugenzi wote wa Halmashauri za mkoa wa njombe kuwapa kipaumbele walimu wanaofika kupata huduma katika  ofisinza halmashauri na Hospitali kupatiwa kipaumbele kutokana na uwingi wa wanafunzi ambao amewaacha katika shule ambao anafundisha.

Kwa upande wa mitihani ya darasa la Saba 2024 Mkoa njombe umefanya vizuri katika  katika masomo mbalimbali kitaifa ambayo ni somo Kiswahili nafasi ya kwanza Kitaifa ,Maarifa ya Jamii mkoa  wa umeshika nafasi 2 kitaifa ,Kingereza Mkoa  umeshika nafasi ya 2 kitaifa ,Uraia na Maadili mkoa umeshika nafasi ya  2 kitaifa, Sayansi na Teknolojia  Mkoa wa umeshika nafasi ya 2 kitaifa kwenye somo la Hisabati Mkoa umeshika nafasi ya 2 kitaifa .