VIPAUMBELE UJENZI WA BARABARA UELEKEZWE KWENYE MAENEO YA UZALISHAJI MIRADI YA MAENDELEO NA HUDUMA ZA KIJAMII

Tarehe iliyowekwa: November 24th, 2022

Mkuu wa Mkoa wa Njombe  Antony Mtaka amewataka  Wakala wa barabara Nchini TANROAD pamoja na Wakala la wa Barabara Mijini na Vijijini TARURA Mkoa wa Njombe kutoa Kipaumbele kwa barabara zinazoelekea maeneo yenye Shughuli za uzalishaji, Miradi ya Maendeleo na Huduma za Jamii ili kuharakisha Maendeleo katika maeneo hao.

Akizungumza katika kikao Cha Bodi ya Barabara kilichofanyika leo Mtaka amesema kuwa ni vyema Taasisi Hizi kuja na Mpango kabambe wa ujenzi wa barabara yaani "Master Plan" utakaoonyesha namna miundombinu ya barabara itakvyoweza kuwafikia Wananchi na kufikia maeneo ya kiuzalishaji na kimkakati

Awali Katibu tawala Mkoa wa Njombe Bi. Judica Omary amesema kuwa Mkoa wa Njombe unajumla ya Kilometa 1188 za barabara  zinazohudumiwa na Wakala wa Barabara nchini (Tanroads) na Kilometa 5200 zinahudumiwa na Wakala wa Barabara Mijini na Vijijini (Tarura).

Katika taarifa yake Meneja wa Tanroads Mkoa wa Njombe Mhandisi Lucy Shalua amesema wanaendelea na ujenzi wa barabara mbalimbali ambapo jumla ya KM 107.4 zimekamilika na zipo kwenye matazamio.

Meneja wa Tarura Mkoa wa Njombe Mhandisi Gerlad Matindi amesema kuwa wamepokea kiasi Cha shilingi Bilioni 20.34 kwa ajili ya matengenezo ya barabara na kiasi Cha shilingi Bilioni 16 zimeshatumika.