Wananchi msifumbie macho vitendo vya ukatili kwenye jamii,toeni taarifa.

Tarehe iliyowekwa: June 20th, 2023

Wananchi wa kijiji cha Miva kata ya Luponde Halmashauri ya Mji Njombe wametakiwa kutofumbia macho vitendo viovu vya ukatili wa kijinsia vinavyo tokea katika jamii.

Rai hiyo imetolewa  Juni 19,2023 na Mkuu wa dawati la Jinsia na watoto wilaya ya Njombe Inspekta  Mary Kweta alipokuwa akizungumza na wananchi wa kijiji cha miva katika kuadhimisha siku ya mtoto wa Afrika Halmashauri ya Mji Njombe.

Inspekta Mary amewaasa wananchi wa kijiji hicho kuto kujichukulia sheria mkononi  pale matendo maovu yanapojitokeaza ,badala yake watoe taarifa katika kamati za madawati ya jinsia zilizopo karibu na maeneo yao .

Akiendelea kuzungumza na wanachi hao Ispekta Mary Kweta ameisihi jamii kuhakisha inawajibika kutoa elimu ya vitendo vya ukatili kwa watoto na kuwafundisha mbinu mbalimbali zakujilinda.  

Kwa upande wake Oddo Msemwa Afisa Maendeleo Halmashauri ya Mji Njombe amesema Halmashauri imejipanga kuhakikisha vitendo viovu vya ukatili kwa watoto vinakomeshwa kwa kuanzisha mabara ya watoto kwa ngazi ya vijiji na kata, dawati la ulinzi na usalama wa mtoto ndani na nje ya shule pamoja kuimarisha vikundi vya malezi ya watoto kwenye jamii .

Naye Petro Mahanza Afisa Ustawi  wa Jamii Halmashauri ya Mji Njombe ameomba wanawake na wanaume ambao wanafanyiwa ukatili na wenza wao na wanao kimbia malezi kwa  watoto baada ya kuwazalisha wenza wao kuchuuliwa hatua

Nao wananchi washiriki kutoka kijiji cha Miva Faustin Mwalongo,Jofrey Kisswaga na Jorge Mgaya wameishukuru halmashauri ya mji njombe  kwa kuwapa elimu juu ya ukatili ambayo itaenda kuwasaidia kuwaepusha watoto na  vitendo viovu pamoja na kutoa taarifa kwa wakati pindi matatizo yanapojitikeza.