WANAUME KUKIMBIA MAJUKUMU NA MILA POTOFU CHANZO CHA UDUMAVU NJOMBE

Tarehe iliyowekwa: October 3rd, 2023

Mkuu wa Wilaya Njombe Mhe Kissa Kasongwa amewataka wananchi hasa wanaume wa kutokimbia majukumu ya malezi kwa mtoto pamoja na kuachana na mila potofu kwa wanawake kuto kula mayai wakidai atapata shida wakati wa kujifungua chanzo kinacho pelekea baadhi ya watoto kuduma .

Amesema hayo Mhe.Kissa Kasongwa alipokuwa akizungunza katika Mkutano wa Akina Mama na wiki ya Kampeni ya Lishe Bora Wilaya Njombe Kata ya Lugenge Halmashauri ya Mji Njombe ambapo amewaomba wananchi wa kata hiyo hasa wanaume kutumia muda mwingi katika kuhudumia watoto kutokana na baadhi ya wanaume kukimbilia mjini mara baada ya kupata fedha.

Amewasihi  wanachi hao kuachana na mila potofu ambazo zimekuwa zikichangia watoto kuduma kutokana na kukosa lishe bora

Akindelea kuzungumza Mhe Kissa ameagiza kila kata iliyopo katika wilaya ya Njombe  kuhakikisha inaunda kikundi cha lishe cha wanawake 10 kwa ajili ya kufuatilia lishe  ili waweze kujadili masuala ya lishe ambacho  kitakuwa na uongozi ambao utabaini  ninani anawaangusha katika kupambana na udumavu na kikundi kitacho fanya vizuri kitapatiwa zawadi ya ng'ombe wa maziwa .

Kwa upande wake diwani  wa Kata ya Lugenge Mhe. Filoteus Mligo  amewaomba wananchi kuacha kutumia muda mwingi katika kazi na kusahau suala la malezi kwa mtoto jambo ambalo linapelekea kuongezeka kwa  Udumavu katika kata hiyo.

Mkazi wa kata hiyo Roida Mgaya amemwomba Mkuu wa wilaya kuwapa semina wanaume ambao  wamekuwa wakiwapa  kazi nyingi wanawake  na kupelekea kushindwa kutekeleza malezi ya mtoto kwa wakati huku wanaume wakipata  fedha  huondoka na kwenda mjini.

Kwa tafiti ambayo imefanyika katika halmashauri ya mji Njombe asilimia 6% ya wakazi wake wanakula mayai.