Wanawake wahamasishwa kuendelea kushirikiana shughuli za kiuchumi.

Tarehe iliyowekwa: July 3rd, 2023

Wanawake wajasiriamali  Halmashauri ya mji njombe wametakiwa kuendelea kushirikiana na kuwezeshana ili kutimiza ndoto zao .

Kauli hiyo imetolewa July 03 ,2023 na Makamu mwenyekiti wa Umoja wa Wanawake wa CCM Tanzania(UWT) Ndugu ,Zainab Shomari baada yakukagua mradi wa Uwatikaji wa miche ya parachichi unaofanya na wanawake wa kikundi cha MAWIO kilichopo kata ya Mji Mwema Halmashauri ya Mji Njombe .

Zainabu akiwa ameambatana Mwenyekiti wa Halmashauri ya Mji Njombe Mhe.Erasto Mpete  pamoja na viongozi wengine kutoka (UWT) taifa na mkoa wa njombe ametoa pongezi kwa  wanakikundi hao kwa kazi wanayoifanya ya uwatikaji wa miche ya parachichi kwa pamoja akisema ni wakati sasa kwa wanawake kujiwezesha wenyewe kwa kubuni miradi mbalimbali kwani serikali inatoa mikopo isiyo kuwa na riba ili waweze kujishughulisha na kusaidia kuinua  uchumi wa familia na taifa kwa ujumla.   

Kikundi cha MAWIO ni miongoni mwa vikundi vilivyonufaika na mikopo ya asilimia 10 inayotolewa na serikali kwa vikundi vya wanawake ,vijana na watu wenye ulemavu.

Kupitia Halmashauri ya Mji Njombe kikundi cha MAWIO kimefanikiwa kupata mkopo kwa awamu mbili ,shilingi milioni 10,000,000/=  awamu ya kwanza mwaka 2021 na shilingi milioni 20,000,000/=  awamu ya pili  mwaka 2022 kikiwa na jumla ya wanawake kumi (10).Aidha kikundi hiki kimefanikiwa katika kazi zake kutoka kufanya uwatikaji wa miche ya parachichi elfu sita(6000) hadi miche elfu kumi na tano (15) mwaka 2022