WATENDAJI WA KATA NA VIJIJI WAKUMBUSHWA KUSIMAMIA UKUSANYAJI WA MAPATO

Tarehe iliyowekwa: September 22nd, 2023

Kaimu Mkurugenzi wa  Halmashauri ya Mji Njombe Thadei Luoga amewakumbusha  watendaji wa kata na vijiji wajibu walio nao wa kusimamia na kukusanya mapato ya Halmashauri kwenye maeneo yao ya kazi.

Wito huo umetolewa Septemba 22,2023 katika kikao kazi cha Watendaji wa Halmashauri ya Mji Njombe kilichokaa kwa lengo lakukumbusha vyanzo na njia mbalimbali za ukushanyaji mapato pamoja na kujenga uelewa wa mabadiliko yaliyofanywa na serikali kwenye baadhi ya mifumo ya ukusanyaji mapato kwenye Halmashauri.  

Katika hatua nyingine  Kaimu Mkurugenzi wa Mji Njombe aliwaomba watendaji hao kwenda kusimamia vema na kwa uadilifu miradi ya serikali  ambayo inatekelezwa katika maeneo yao ili miradi hiyo iweze kukamilika kwa wakati na kwa ufanisi unaotakiwa,pamoja na kuhakikisha  mapato katika maeneo yao yanakusanywa kwa mujibu wa sheria.

Aidha Ndugu Luoga amewaagiza watendaji wa kata na vijiji kwenda  kusimamia zoezi la kuandikisha wakulima wapya watakao pata pembejeo za kilimo na kuhuisha taarifa zao kwa wale waliokuwa wamejaza awali.

Naye  Benjamini Sibanulo Kutoka Taasisi ya Kuzuia na Kupambana na Rushwa (TAKUKURU) Mkoa Njombe akizungumza katika kikao kazi hicho  amesema serikali haita vumilia endapo Kuna mtendaji atabainika kujihusisha na vitendo vya rushwa

Kikao hicho kiliwakutanisha watendaji pamoja na wakuu wa idara zenye vyanzo vya ukusanyaji wa mapato ndani ya Halmashauri ya Mji Njombe.

Ni muda sasa wa kwenda kufanya kazi kwa uadilifu mkubwa ili tuweze kuyafikia malengo ya Mhe Raisi wa Jamhuri ya Muungano wa Tanzania Dkt Samia Suluhu Hassan.