WAZEE KIJIJI CHA LWANGU WATAKIWA KUTOA TAARIFA ZINAZOHUSU UKATILI

Tarehe iliyowekwa: April 27th, 2024

Wazee wa Kijiji cha Lwangu kilichopo kata ya Kifanya, Halmashauri ya Mji Njombe, wametakiwa kutoa taarifa za  ukatili mara zinapotokea ili kuepukana na madhara makubwa yanayotokana na ukatili wa kijinsia kwenye jamii. 

Rai hiyo imetolewa Machi 27,2024 na Bwana Gracian Panza mwezeshaji wa TASAF Kijiji cha Lwangu wakati akitoa elimu ya ukatili wa kijinsia kwa wanufaikawa wa mpango wa kinusuru kaya masikini hususani wazee ambao wamekuwa wakikumbwa na changamoto mbalimbali za ukatili katika jamii haswa wakiwa majumbani na kwenye familia zao

Panza amesema  wazee  wakinyimwa haki zao za msingi ,kukosa mahitaji mhimu ya binadamu ,kunyimwa fursa za maendeleo , kufanyiwa vitendo vya ukatili kama kubakwa na kulawitiwa na wengine kukosa  haki ya kuishi kutokana na  imani potofu za kishirikina kwa wazee.

Kwa upande wake Renatusi Masasi Mwenyekiti wa Kijiji hicho amewaombwa wanufaika wa TASAF kuhakikisha wanajiunga na vikundi mbalimbali vya kiujasiriamali ili kuweza kujipatia kipato badala yakutegemea fedha za TASAF pekee kujiendeleza. 

Aidha warsha hiyo ilitoa fursa yakuchagua uongozi wa wazee wa  kijiji cha Lwangu   kwa ajili ya kusikiliza kero na kutatua changamoto ambazo wazee wamekuwa wakizipata kwenye jamii na maeneo wanayaishi.