Waziri wa Utamaduni,Sanaa na Michezo Mhe.Pindi Chana atembelea eneo la uwanja wa michezo Njombe.

Tarehe iliyowekwa: July 2nd, 2023

Waziri wa Wizara ya  Utamaduni, Sanaa na Michezo Mheshimiwa Dkt. Pindi Chana July 02,2023 amefanya ziara kwenye Eneo lililotengwa kwa ajili ya ujenzi wa  Uwanja wa michezo mkoani Njombe.

Eneo Hilo lenye ukubwa wa hekari 16.7 lipo kata ya uwemba iliyopo Halmashauri ya Mji Njombe.

Akiwa katika Eneo Hilo Waziri Chana, amepongeza uongozi wa mkoa na Halmashauri ya mji Njombe kwa ujumla kwa kutenga Eneo kubwa pamoja na kufanya tathmini za awali na kuwa  na Hati ya Eneo.

Katika hatua nyingine Waziri Pindi Chana ametoa maelekezo kwa Baraza la Sanaa Tanzania (BASATA) Pamoja na taasisi nyinginezo ikiwemo Wakala wa barabara za Vijijini na Mijini (TARURA), Kuendelea  kufanya tathmini kwa haraka pamoja na kufanya vipimo kwa ajili yakulisawazisha Eneo Hilo  ili kuwavutia wawekezaji kwa  hatua zinazofuata.

Katika ziara yake Waziri wa Utamaduni, Sanaa na Michezo Aliongozana na kamati ya ulinzi na usalama mkoa wa Njombe pamoja na timu ya wataalamu mbalimbali kutoka ofisi ya mkuu wa mkoa na Halmashauri ya mji Njombe.